जडिबुटीमा टिपरको ठक्करबाट एक युवकको मृत्यु

काठमाडौँको जडिबुटीमा टिपरको ठक्करबाट एक जनाको मृत्यु भएको छ। 

काठमाडौँ महानगरपालिका-३२ जडिबुटीस्थित सडकमा कोटेश्वरबाट जडिबुटीतर्फ जाँदै गरेको बा प्र-०१-००४ क ५३६२ नम्बरको टिपरको ठक्करबाट पैदलयात्री सिन्धुली गोलन्जोर गाउँपालिका ५ घर भएका ३७ वर्षीय दीनेश थापाको गएराति मृत्यु भएको हो।

ठक्करबाट गम्भीर घाइते भएका उनको ट्रमा सेन्टरमा उपचारको क्रममा मृत्यु भएको प्रहरीले जानकारी दिएको छ। टिपर चालकलाई प्रहरीले नियन्त्रणमा लिएको छ।