बसको ठक्करबाट पैदलयात्रीको मृत्यु

चितवनमा  बसको ठक्करबाट पैदलयात्रीको मृत्यु भएको छ।

आज बिहान माडी नगरपालिका–१ गर्दीमा बा प्र ०३–००१ ख २८८७ नम्बरको बसले पैदलयात्रीलाई ठक्कर दिएको थियो।

ठक्करबाट माडी नगरपालिका–१ सेरुवाका अन्दाजी ६२ वर्षीय फिरल महतोको घटनास्थलमा नै मृत्यु भएको हो।

जिल्ला प्रहरी कार्यालय चितवनका प्रहरी नायब उपरीक्षक रवीन्द्र खनालका अनुसार पैदलयात्रीलाई ठक्कर दिएसँगै बस अनियन्त्रित भई खेतमा खस्दा बसमा सवार दुई जना घाइते भएका छन्। घाइते दुवै जनाको बघौडा अस्पतालमा उपचार भइरहेको छ।

घाइतेको अवस्था खतरामुक्त रहेको उहाँले जानकारी दिए। बस चालकको खोजी भइरहेको प्रहरीले जनाएको छ।