पिकनिकबाट फर्किँदै गरेको बस फेदी जंगलमा दुर्घटना

जर्सिपौवाबाट फर्किदै गरेको महानगर यातायातको बस काठमाडौँको शंकरापुरा नगरपालिका-३, फेदी जंगलमा साँझ दुर्घटना भएको छ। 

बुधबार साँझ पौने ६ बजे महानगर यातायतको बा. ४ ख ८७८८ नम्बरको बस फेदी जंगलमा दुर्घटना भएको हो। बस सडकबाट करिब सय मिटर तल खसेको जिल्ला प्रहरी परिसर, काठमाडौँले जनाएको छ। 

दुर्घटनामा घाइते भएका सबैलाई उद्धार गरी अस्पताल भर्ना गरिएको प्रहरीले जनाएको छ। जर्सिपौवा पिकनिकबाट फर्किदै गरेको बस दुर्घटनामा परेको हो। 

दुर्घटनाको विस्तृत विरण आउन बाँकी रहेको जिल्ला प्रहरी परिसर, काठमाडौँले जनाएको छ।