यस्तो छ आजको मौसम प्रक्षेपण

यतिबेला (सोमबार बिहान) तराईका अधिकांश स्थानमा हुस्सु/कुहिरो लागिरहेको छ। 

जल तथा मौसम विज्ञान विभागका अनुसार तराईमा लागिरहेको हुस्सु/कुहिरो दिउँसो तथा राति पनि कायम रहने सम्भावना छ। 

आजका लागि मौसम विभागले जारी गरेको मौसम प्रक्षेपण यस्तो छ:

आज दिउँसो

-देशका तराई भूभागका केही स्थानमा हुस्सु/कुहिरो रहनेछ।

-देशका हिमाली भूभागमा मौसम साधारणतया बदली (आकाशमा बादल) लाग्नेछ र बाँकी स्थानमा मौसम
आंशिक बदली (थौरै बादल) हुनेछ। 

-देशका हिमाली भूभागका एक-दुई स्थानमा हल्का हिमपात/वर्षाको सम्भावना छ।

आज राति

-देशका तराई भूभागका थोरै स्थानमा हुस्सु रहनेछ।

-देशका हिमाली भूभागमा मौसम साधारणतया बदली हुनेछ र बाँकी ठाउँमा मौसम आंशिक बदली हुनेछ।

-गण्डकी, कर्णाली र सुदूरपश्चिम प्रदेशका हिमाली भूभागका थोरै स्थानमा हल्का हिमपात/वर्षाको सम्भावना छ।

यो पनि : बढ्यो काठमाडौँ उपत्यकाको न्यूनतम तापक्रम