युनिकोड
कैलालीको धनगढी उपमहानगरपालिका–१५ कनरीस्थित सडकमा जिप र अटोरिक्सा आपसमा ठक्कर खाँदा एक बालिकाको ज्यान गएको छ।
सुपप्र ०१–००१ च ३१२३ नम्बरको जिप र सुपप्र ०१–००१ ह ७३९५ नम्बरको अटो एकआपसमा ठक्कर खाई मंगलबार दिउँसो दुर्घटना हुँदा अटोमा सवार धनगढी उपमहानगरपलिका–२ बस्ने ९ वर्षीया सम्रिद्धी चौधरीको मृत्यु भएको हो।
दुर्घटनामा गम्भीर घाइते भएकी उनको नवजीवन अस्पतालमा धनगढीमा उपचारको क्रममा मृत्यु भएको प्रहरीले जनाएको छ।
साथै, दुर्घटनामा घाइते भएका अटो चालक र अटोमा सवार अन्य २ जनाको सेती प्रादेशिक अस्पताल धनगढीमा र २ जनाको निसर्ग अस्पतालमा उपचार भइरहेको छ।
जिप चालकलाई प्रहरीले नियन्त्रणमा लिएको छ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया