जेनजी आन्दोलनमा लुटिएको हतियार जलेको अवस्थामा फेला

जेनजी आन्दोलनको क्रममा झापाबाट लुटिएको एउटा हतियार फेला परेको छ। 

दमक नगरपालिका-६ थानारोडस्थित इलाका प्रहरी कार्यालय दमक नजिकै जलेको अवस्थामा वाई १३४८७ नम्बरको मार्क ४ राइफल फेला परेको हो। 

दमक नगरपालिका-६ बस्ने याम्जि श्रेष्ठको खाली जग्गाको झाडीमा काठको भाग पूर्ण रुपमा जलेको अवस्थामा हतियार फेला परेको जिल्ला प्रहरी कार्यालय झापाले जनाएको छ। 

प्रहरीका अनुसार घटनाका सम्बन्धमा अनुसन्धान जारी छ।