गाडीले ठक्कर दिँदा मोटरसाइकल चालकको मृत्यु

दाङमा माइक्रो बसले मोटरसाइकललाई ठक्कर दिँदा एक जनाको मृत्यु भएको छ। 

घोराही उपमहानगरपालिका-११ खैरामा रा.१ ख १०६३ नम्बरको माइक्रो बसले रा.२ प ८८९८ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको हो। 

मृत्यु हुनेमा घोराही उपमहानगरपालिका-११ बस्ने ६२ वर्षीय कृष्ण केसी छन्। 

दुर्घटनामा गम्भीर घाइते भएका उनको राप्ती स्वास्थ्य विज्ञान प्रतिष्ठान घोराहीमा उपचारको क्रममा मृत्यु भएको प्रहरीले जनाएको छ। 

प्रहरीले माइक्रो बसका चालकलाई पक्राउ गरेको छ।