युनिकोड
हाल नेपालमा भारतको उत्तर प्रदेशमा अवस्थित न्यूनचापीय क्षेत्र, पश्चिमी वायु र स्थानीय वायुको आंशिक प्रभाव रहेको मौसम पूर्वानुमान महाशाखाले जनाएको छ। अर्थात् अहिले देशमा एकसाथ तीन मौसम प्रणालीको प्रभाव छ।
महाशाखाका अनुसार यतिबेला (बुधबार बिहान) बागमती, गण्डकी र लुम्बिनी प्रदेशमा साधारणतया बादल लागेको छ। बाँकी प्रदेशका हिमाली क्षेत्रको आकाशमा आंशिक बादल लागेको छ। देशका बाँकी स्थानमा भने मौसम मुख्यतया सफा छ।
आज दिउँसो र रातिका लागि मौसम प्रक्षेपण यस्तो छ:
दिउँसो : हिमाली क्षेत्रमा साधारणतया बादल लाग्नेछ, पहाडी तथा तराईमा आंशिक बादल देखिनेछ। कोसी प्रदेशका पहाडी र हिमाली भूभाग तथा बागमती, गण्डकी, कर्णाली र सुदूरपश्चिम प्रदेशका हिमाली भू-भागका एक-दुई स्थानमा मेघगर्जन/चट्याङसहित हल्का वर्षा/हिमपात हुने सम्भावना छ।
राति : गण्डकी र कर्णाली प्रदेशका हिमाली भेगमा साधारणतया बादल लाग्नेछ, बाँकी हिमाली क्षेत्रको आकाशमा आंशिक बादल लाग्नेछ, बाँकी पहाडी र तराईमा भने मौसम मुख्यतया सफा रहनेछ। कोसी, बागमती र गण्डकी प्रदेशका हिमाली भू-भागका एक-दुई स्थानमा मेघगर्जन/चट्याङसहित हल्का वर्षा/हिमपात हुने सम्भावना छ।
प्रतिक्रिया