युनिकोड
मौसम पूर्वानुमान महाशाखाले आज देशका तीनवटा प्रदेशका केही क्षेत्रमा वर्षा र हिमपातको सम्भावना देखिएको जनाएको छ।
कोसी, बागमती र गण्डकी प्रदेशका एकरदुई ठाउँमा बिहीबार मेघ गर्जन र चट्याङ्गसहित हल्का वर्षा र हिमपातको सम्भावना रहेको मौसम पूर्वानुमान महाशाखाले जनाएको हो।
कोसी प्रदेशको पहाडी र हिमाली भू–भागका थोरै ठाउँ तथा बागमती र गण्डकी प्रदेशका हिमाली भू–भागका एकदुई ठाउँमा मेघ गर्जन र चट्याङ्गसहित आज हल्का वर्षा र हिमपातको सम्भावना छ।
त्यसैगरि आज दिउँसो कोसी प्रदेशको पहाडी भू–भाग तथा बागमती र गण्डकी प्रदेशको हिमाली भू–भागमा बादल लाग्ने महाशाखाले जनाएको जनाएको छ।
आज देशका बाँकी प्रदेशका पहाडी र हिमाली भू–भागमा आंशिक बादल लाग्ने भए पनि तराई क्षेत्रमा मौसम सफा रहने महाशाखाले जनाएको छ।
आज राति कोसी र गण्डकी प्रदेशको हिमाली भू–भागका एकरदुई ठाउँमा हल्का वर्षा र हिमपातको सम्भावना रहेको पनि महाशाखाले जनाएको छ।
प्रतिक्रिया