ठमेलमा पर्यटकलाई लुटपाट गरेको आरोपमा तीन जना पक्राउ

काठमाडौँको ठमेल क्षेत्रमा विदेशी नागरिकलाई कुटपिट गरी लुटपाट गरेको आरोपमा तीन जना पक्राउ परेका छन्। 

सामाजिक सञ्जालमा देखिएको भिडियोका आधारमा सो घटनामा संलग्न ३ जनालाई जिल्ला प्रहरी परिसर काठमाडौँबाट खटिएको प्रहरी टोलीले नियन्त्रणमा लिएको हो।

उनीहरूविरुद्ध प्रहरी वृत्त लैनचौरबाट थप अनुसन्धान भइरहेको प्रहरीले जनाएको छ।