लागुऔषध व्यापारीलाई समात्न प्रहरीले चलायो गोली

उत्तरी काठमाडौंको साँखुमा गोली चलेको छ। प्रहरी प्रभाग साँखुका अनुसार लागुऔषधका व्यापारीलाई पिछा गर्दै जाँदा प्रहरीमाथि गोली प्रहार भएपछि प्रतिरक्षाका लागि प्रहरीले पनि फायर खोलेको हो। 

‘प्रभागको टोली अप्रेसनमा गएको होइन। लागुऔषध नियन्त्रण ब्युरोको टोली अप्रेसनमा गएको हो। प्रहरीले पनि प्रतिरक्षाका लागि गोली चलाएको भन्ने छ’, प्रभाग स्रोतले भन्यो।

प्रहरीको गोली लागी लागूऔषध व्यापारी घाइते भएका छन्। उनलाई उपचारका लागि अस्पताल लगिएको छ। उनको साथबाट पेस्तोल र लागुऔषध पनि बराम भएको छ।