होटलमा लगेर युवतीलाई बलात्कार गरेको आरोपमा ३१ वर्षीय युवक पक्राउ

जबरजस्ती करणीको आरोपमा प्रहरीले कैलालीबाट एक युवकलाई पक्राउ गरेको छ।  

२० वर्षीया युवतीलाई जबरजस्ती करणी गरेको अभियोगमा डडेल्धुराको अमरगढी नगरपालिका-२ बस्ने ३१ वर्षीय सुरेश अवस्थीलाई पक्राउ गरिएको प्रहरीले जनाएको छ। 

सुरेशले ती युवतीलाई कैलालीको धनगढी उपमहानगरपालिका-४ स्थित संजोक होटलमा लगेर जबरजस्ती करणी गरेको आरोप छ। 

सुरेशविरुद्ध उजुरी परेपछि उनलाई पक्राउ गरिएको जिल्ला प्रहरी कार्यालय कैलालीले जनाएको छ। 

घटनाका सम्बन्धमा थप अनुसन्धान जारी रहेको भनाइ छ।