मुसेखोलामा पहिरो खस्दा मुग्लिन-पोखरा सडक अवरुद्ध

वर्षातका कारण पहिरो खसेपछि मुग्लिन-पोखरा सडक अवरुद्ध भएको छ। 

मुग्लिन-पोखरा सडकअन्तर्गत तनहुँको व्यास नगरापकिला-१, मुसे खोलामा पहिरो खसेको जिल्ला प्रहरी कार्यालयले जनाएको छ। सडकभन्दा ५० मिटरमाथिबाट ढुंगा, हिलो, लेदोसहित पहिरो खसेको हो। 

पहिरो पन्छाउन नेपाल प्रहरी र सडक डिभिजन कार्यालयको टोली खटिएको छ। तर, पहिरो खस्ने क्रममा जारी रहेकाले यातायात सञ्चालन हुन सकेको छैन। 

पहिरो पन्छाउँदा माथिबाट ढुंगा खस्ने क्रममा जारी रहेको प्रहरीले जनाएको छ। यससँगै पानी परिरहेकाले जोखिम भएकाले सावधानी अपनाउन प्रहरीले सचेत गराएको छ।