युनिकोड
विभिन्न जिल्लामा तीनजना पुरुष मृत अवस्थामा फेला परेका छन्।
काठमाडौँ, पाल्पा र बैतडीमा तीन जनाको शव फेला परेको प्रहरीले जनाएको छ।
काठमाडाैँको टोखा नगरपालिका-९ गोंगबु मिलनटोलस्थित न्यू नेपालगन्ज तनहुँ गेष्ट हाउसको ५०१ नम्बर कोठामा एक पुरुष मृत भेटिएका छन्।
मृत फेला पर्ने मोरङको लेटाङ नगरपालिका-१ घर भएका ४६ वर्षीय कर्ण बहादुर मगर रहेका प्रहरीले जनाएको छ। उनी बिहीबार मृत फेला परेका हुन्।
त्यसैगरी पाल्पाको तिनाउ गाउँपालिका-३ सिद्धबाबा मन्दिर नजिकै भिरमा एक युवकको शव फेला परेको छ।
हाल नाम, थर र वतन नखुलेका अन्दाजी २८ वर्षीय युवकको बिहीबार नै शव फेला परेको हो।
त्यसैगरी बैतडीको डिलाशैनी गाउँपालिका-६ सैनगाउँ बस्ने ६७ वर्षीय प्रेम सिंह बोहरा पनि मृत भेटिएका छन्।
बोहरा सोही गाउँपालिका-६ सैनगाउँस्थित राजिपातल खरबारी भिरमा बिहीबार मृत अवस्थामा फेला परेका परेका प्रहरीले जनाएको छ।
यी सबै घटनाका सम्बन्धमा थप अनुसन्धान जारी रहेको प्रहरीको भनाई छ।
प्रतिक्रिया