मोटरसाइकल र स्कुटर आपसमा ठोकिँदा १७ वर्षीय किशोरको मृत्यु, अर्का १ घाइते

पोखरामा मोटरसाइकल र स्कुटर आपसमा ठोकिँदा १७ वर्षीय किशोरको मृत्यु भएको छ। 

पोखरा महानगरपालिका-८ न्युरोडमा ग. १० प ८१४० नम्बरको स्कुटर र ग. १८ प ९८८१ नम्बरको मोटरसाइकल आपसमा ठोकिँदा स्कुटरमा सवार किशोरको मृत्यु भएको हो। 

मृत्यु हुनेमा पोखर महानगरपालिका-२६ माझठाना बस्ने १७ वर्षीय सिजन तिवारी छन्। दुर्घटनामा गम्भीर घाइते भएका उनको मणिपाल शिक्षण अस्पतालमा उपचारको क्रममा मृत्यु भएको प्रहरीले जनाएको छ। 

दुर्घटनामा घाइते भएका स्कुटर चालकको सोही अस्पतालमा उपचार भइरहेको छ। मोटरसाइकल चालकलाई प्रहरीले नियन्त्रणमा लिएको छ।