खोलामा पौडी खेल्दा १४ वर्षीया किशोरीको मृत्यु

उदयपुरमा खोलामा डुबेर एक किशोरीको मृत्यु भएको छ। 

चौदण्डीगढी नगरपालिका–९ देवधार खोलाको दहमा पौडी खेल्ने क्रममा १४ वर्षीया किशोरीको मृत्यु भएको प्रहरीले जनाएको छ। 

जिल्ला प्रहरी कार्यालय उदयपुरका अनुसार बुधबार चौनपा–९ देवधारकी आयुसा सदाको देवधार खोलाको दहमा डुबेकी थिइन्। उनको घटनास्थलमै मृत्यु भएको हो। 

शवलाई बुधबार रातिनै परीक्षणका लागि उदयपुर जिल्ला अस्पतालमा ल्याएर शवगृहमा राखिएको प्रहरीले जनाएको छ।