युनिकोड
काभ्रेपलाञ्चोकको मण्डनदेउपुर नगरपालिका पूर्णखोप सुनिश्चित विद्यालय भएको नगरपालिका घोषणा भएको छ।
आर्थिक वर्ष २०८२/८३ मा विद्यालय भर्ना भएका ५९ महिनामुनिका ६५९ जना बालबालिकाले नेपाल सरकारको राष्ट्रिय खोप कार्यक्रम अन्तर्गत पाउनुपर्ने सबै खोप र मात्रा पूरा गरेको विद्यालय तथा वडा तहबाट सुनिश्चित भएपछि नगरपालिकालाई औपचारिक रूपमा घोषणा गरिएको हो।
यस उपलब्धिसँगै मण्डनदेउपुर नगरपालिका पूर्णखोप सुनिश्चित विद्यालय घोषणा निर्देशिका बमोजिम यस्तो घोषणा गर्ने नेपालकै पहिलो स्थानीय तह बनेको नगरपालिकाले जनाएको छ।
नगरपालिकाभित्रका ४३ सामुदायिक र ६ संस्थागत गरी ५९ विद्यालयका ५९ महिनासम्मका सबै बालबालिकाले राष्ट्रिय पूर्णखोप निर्देशिकाअनुसार सबै खोप प्राप्त गरेको प्रमाणित भएपछि विद्यालयहरूलाई पूर्णखोप सुनिश्चित विद्यालय घोषणा गरिएको हो।
प्रतिक्रिया