दाङमा एक युवाको शव फेला, तीन जना पक्राउ

दाङको तुलसीपुरमा एक युवाको शव फेला परेको छ। तुलसीपुर उपमहानगरपालिका-९ मैनामगरका २८ वर्षी मन्दिप भुजेको शव फेला परेको हो।

शनिबार बिहान स्थानीय ज्ञानज्योति आधारभुत विद्यालय नजिकै भुजेलको शव देखेपछि स्थानीयले प्रहरीलाई जानकारी गराएका थिए। उनको हत्या भएको आशंका प्रहरीले गरेको छ।

उनको गएराति हत्या भएको अनुमान गरिएको इलाका प्रहरी कार्यालय तुलसीपुरका प्रहरी प्रवक्ता तथा प्रहरी निरीक्षक चक्र डम्बरपालले जानकारी दिए। घटनाको अनसुन्धानका लागि प्रहरीले स्थानीय तीन युवालाई नियन्त्रणमा लिएको छ।