एकैदिन १८ सय १८ कोरोना संक्रमित निको भए, डिस्चार्ज हुनेको संख्या ३५ हजार नाघ्यो

नेपालमा पछिल्लो २४ घण्टामा १ हजार ८१८ जना कोरोना संक्रमित निको भएका छन्।

बिहीबारको स्वास्थ्य तथा जनसंख्या मन्त्रालयको प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा १ हजार ८१८ जना कोरोना संक्रमित निको भएको बताए।

योसँगै नेपालमा कोरोना संक्रमणबाट निको हुनेको संख्या ३५ हजार ७०० पुगेको छ।

प्रवक्ता गौतमका अनुसार कोरोना निको हुने प्रतिशत ७१ रहेको छ।