युनिकोड
प्रहरीको केन्द्रीय अनुसन्धान ब्यूरोले पेट्रोल ट्यांकरभित्र फल्स बटम बनाएर ठगी गर्ने दुई जना चालक उपर अनुसन्धान सुरु गरेको छ।
मंसिर ३ गते ईण्डियन आयल कर्पोरेसन बरौनी, भारतबाट पेट्रोल लोड गरी आएका ना ७ ख २९९५ र ना ७ ख ३६९६ नं.को ट्यांकरमा चेकजाँचका क्रममा फल्स चेम्बर बनाई ईन्धन चोरी तस्करी गरी ठगी गरेको पाइएको थियो।
ब्यूरोले चालकद्वय अजय लामा र बिकेश लामालाई पक्राउ गरीअनुसन्धान प्रकृया अगाडि बढाइएको जनाएको छ।
बारा, अमलेखगन्ज घर भएका ३५ वर्षीय चालक अजय लामा र जितपुर सिमरा उपमहानगरपालिका घर भएका २८ वर्षीय बिकेश लामालाई प्रहरीले यही मंसिर ११ गते काठमाडौंबाट पक्राउ गरेको जनाएको छ।
प्रतिक्रिया