युनिकोड
उदयपुरमा स्वचालित पेस्तोलसहित एक जना पक्राउ परेका छन्।
त्रियुगा नगरपालिका ३ मोतिगढाका ५० वर्षीय पर्शुराम चौधरीलाई प्रहरीले पेस्तोलसहित बुधबार राति पक्राउ गरेको हो।
मोतिगढास्थित घरमा हतियार लुकाई राखेको सूचनाको आधारमा राति प्रहरीले खानतलासी गरेको थियो।
उनको कोठाबाट अटोमेटिक मेड इन युएसए लेखिएको पेस्तोल एउटा १ र गोली ५ राउण्ड फेला पारेको थियो।
उनको कोठाबाट अखिल नेपाल ट्रेड युनियन महासंघ लेखिएको सहयोग रसिद ८ ठेली, नेकपा माओवादी केन्द्र लेखिएको सदस्यता पत्र ३ थान, अखिल नेपाल निर्माण मजदुर संघ लेखिएको सदस्यता पत्र ८५ थान फेला पारेको छ।
चौधरीमाथि थप अनुसन्धान तथा कानुनी कारबाही अगाडि बढाईएको उदयपुर प्रहरीले जनाएको छ।
प्रतिक्रिया