युनिकोड
झापा र इलाममा करेन्ट लागेर दुई जनाको मृत्यु भएको छ।
विद्युतीय मोटरबाट करेन्ट लाग्दा झापाको कन्काई नगरपालिका- १ बस्ने ६६ वर्षीय ताराबहादुर बिश्वकर्माको मृत्यु भएको प्रहरीले जनाएको छ।
घरमा पानी तान्ने बिद्युतीय मोटरको तारबाट शनिबार करेन्ट लाग्दा उनी गम्भीर घाइते भएका थिए।
उपचारको लागि आफन्तले तत्कालै उनलाई अस्पताल लैजाने क्रममा बाटोमै मृत्यु भएको प्रहरीले जनाएको छ।
त्यसैगरि इलामको माई नगरपालिका- ८ लालखोला बस्ने ४६ वर्षीय मदनकुमार राईको पनि करेन्ट लागेर मृत्यु भएको छ।
घरमा कोही नभएको अवस्थामा मोबाइल चार्ज गर्ने क्रममा उनलाई अचानक करेन्ट लाग्दा मृत्यु भएको प्रहरीले जनाएको छ।
प्रतिक्रिया