युनिकोड
मापदण्ड विपरितका र निषेधित औषधि बिक्री गरेको आरोपमा प्रहरीले सर्लाहीको हरिवनका तीनवटा औषधि पसल र अस्पताल सिल गरेको छ।
हरिवन-११ स्थित हरिवन बजारमा रहेको न्यु कुशवाहा मेडिकल हल, कुशवाहा मेडिसिन्स फर्मा र हरिवन-९ नयाँरोडमा रहेको नयाँरोड सीटी हेल्थकेयर हस्पिटल प्रालिमा सिल गरिएको इलाका प्रहरी कार्यालय हरिवनका इन्सपेक्टर अनिल गिरीले जानकारी दिए।
ती औषधी पसल र अस्पतालमा मापदण्ड विपरितका, म्याद नाघेका र निषेधित औषधि विक्री वितरण भइरहेको सूचनाको आधारमा औषधि व्यवस्था विभाग शाखा कार्यालय वीरगञ्जका प्रतिनिधिसमेतको उपस्थितिमा आइतबार प्रहरीले खानतलासी गरेको थियो।
‘हामीले गरेको अनुगमनमा ती औषसधि पसल र अस्पतालमा म्याद नाघेका र मापदण्ड विपरितका औषधि पाइयो,’ इन्सपेक्टर गिरीले भने, ‘त्यस्ता औषधि बरामद गरेर ती औषधि पसल र अस्पताल सिल गरी अर्को आदेश नहुन्जेल सम्मको लागि बन्द गरिएको छ।’
ती औषधि पसलबाट म्याद नाघेका Clonaz- 0.25, Oticin, Tracedol, Loree, Dolomust-MR, Rabiroz-DSR, Ashyclotlam-SP, SPASMO लगायतका औषधि बरामद गरिएको गिरीले बताए।
प्रतिक्रिया