कैलालीको गोदावरी नगरपालिका-३ दमौरामा मोटरसाइकल दुर्घटना हुँदा चालकको मृत्यु भएको छ। अर्का एकजना घाइते भएका छन्।
सुदूरपश्चिम प्रदेश ०१००८ प २७४५नम्बरको मोटरसाइकल मंगलबार राति अनियन्त्रित भइ दुर्घटना हुँदा मोटरसाइकल चालक गोदावरी- ३ बस्ने ३३ वर्षीय लक्ष्मण भुलको मृत्यु भएको प्रहरीले जनाएको छ।
दुर्घटनामा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको हो।
दुर्घटनामा घाइते भएका मोटरसाइकलमा सवार अर्का १ जनालाई उपचारको लागि मायामेट्रो अस्पताल धनगढी पठाइएको प्रहरीले जनाएको छ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ।
प्रतिक्रिया