युनिकोड
इन्डियन प्रिमियर लिग (आईपीएल) को पहिलो क्वालिफायर खेलमा आज कोलकत्ता नाईट राइडर्स र सनराइजर्स हैदरावाद भिड्दैछन्।
अहमवादमा हुने खेल साँझ पौने ८ बजे सुरु हुनेछ।
यो खेलको विजेताले सिधै फाइनलमा स्थान पक्का गर्नेछ। पराजित हुने टोलीले भने एलिमिनेटर खेलको विजेतासँग दोस्रो क्वालिफायर खेल्ने मौका पाउनेछ।
अंक तालिकाको शीर्ष २ मा हार्दै कोलकता र हैदरावादले पहिलो क्वालिफायरमा स्थान बनाएका थिए। कोलकताले लिग चरणका १४ खेलमा ९ जित र ३ खेलमा हार भोग्यो। २ खेल भने रद्द हुँदा कुल २० अंक जोड्दै शीर्ष स्थानमा रह्यो।
कोलकताले यसअघि सन् २०१२ र २०१४ मा गरि २ पटक आईपीएल उपाधि उचालेको छ।
दोस्रो स्थानमा रहेको हैदरावादले भने समान खेलबाट ८ मा जित, ५ खेलमा हार भोग्यो। १ खेल रद्द शुँदा १७ अंकमा दोस्रो स्थानमा रह्यो।
लिग चरणमा राजस्थान र कोलकत्ता बीचको अन्तिम खेल वर्षाले रद्द भएपछि नेट रनरेटमा अघि रहँदै हैदरावादले दोस्रो स्थानमा रहेको हो। दैदरावाद सन् २०१६ को च्याम्पियन टोली हो।
प्रतिक्रिया