युनिकोड
आईसीसी टी२० विश्वकप छनोटअन्तर्गत शीर्ष ६ को अन्तिम खेलमा नेपालले सामोआलाई २१२ रनको लक्ष्य दिएको छ।
टस हारेर ब्याटिङ गरेको नेपालले २० ओभरमा ४ विकेट गुमाएर २११ रन बनाएको हो।
आसिफ शेख र दीपेन्द्र सिंह ऐरीको अर्धशतक मद्दतमा नेपालले सामोआलाई ठूलो लक्ष्य दिएको हो।
नेपालका ओपनरद्वय कुशल भुर्तेल र आसिफ शेखले क्रमशः १७ र ६९ रन जोडे भने दीपेन्द्रले ५३ रन बनाए।
त्यसपछि आएका आरिफ शेखले ९ रन बनाउँदा नटआउट रहेका कप्तान रोहित पौडेल र लोकेश बमले २१ र ३९ रन बटुले। सामोआले नेपाललाई दुई वाइड र १ लेगबाई रन दिएको थियो।
सामोआका लागि डानियल बर्गिस, सौमानी टियाई, डेरियस भिसर र नोआ मीडले समान १ विकेट झारे। बाँकी तीन बलरले विकेट लिन सकेनन्।
सामोआले केही बेरमा ब्याटिङ गर्नेछ।
प्रतिक्रिया