युनिकोड
त्रिभुवन आर्मी क्लबलाई पराजित गर्दै नेपाल पुलिस क्लबले जय ट्रफी मेन्स एलिट कप क्रिकेटको उपाधि रक्षा गरेको छ।
मूलपानी मैदानमा बिहीबार अन्तिम दिन आर्मीलाई ४ विकेटले पराजित गर्दै पुलिस क्लबले उपाधि उचालेको हो।
तीन दिवसीय क्रिकेटको दोस्रो इनिङ्समा २ सय २७ रनको लक्ष्य पुलिसले ६ विकेटको क्षतिमा भेट्टायो।
पुलिस क्लबका लागि रासिद खानले १ रनको योगदान दिए। उनले १ सय २ बलमा ८ चौका र ३ छक्का हाने।
कुशल भुर्तेलले ६४ बलमा ५ चौका सहयोगमा ५१ रन बनाए। दिलसाद अली ३१र शंकर राना १३ रनमा अविजित रहे। ओपनर दिनेश खरेलले २५ , कप्तान आरिफ शेख १४ रन थपे।
आर्मीका लागि शाहब आलम र पवन कार्कीले समान २ विकेट लिए।
आर्मी दोस्रो इनिङस्मा २ सय २६ रनमा अलआउट भयो। दोस्रो इनिङ्समा आर्मीका आकाश चन्दले ३७, कुशल मल्लले ३६, शाहब आलमले ३३ रन बनाए। भीम सार्कीले ३२ , सोमपाल कामीले २३, ओपनर तृतराज दासले २०, इमरान शेखले १६ र कप्तान विनोद भण्डारीले १२ रन बनाए।
पुलिस क्लबका लागि सागर ढकालले ४, करण केसी र ललित राजवंशीले समान ३ विकेट लिए।
पहिलो इनिङमा दुवै टोलीले समान २ सय २१ रन बनाएका थिए। जय ट्रफीमा पुलिस र आर्मीसँगै एपिएफ र बागमती प्रदेश सहभागी थिए।
प्रतियोगितामा ललित राजवंशी सर्वोत्कृष्ट र उत्कृष्ट बलर घोषित भए। उत्कृष्ट ब्याटर इशान पाण्डे बने।
प्रतिक्रिया