नेपाली राष्ट्रिय फुटसल टोलीको मुख्य प्रशिक्षकमा गौरव बस्नेत

नेपाली राष्ट्रिय फुटसल टोलीको मुख्य प्रशिक्षकमा गौरव बस्नेत नियुक्त भएका छन्।

अखिल नेपाल फुटबल संघ (एन्फा) ले बस्नेतलाई मगंलबार आगामी ६ महिनाको लागि मुख्य प्रशिक्षकको जिम्मेवारी दिएको हो।

बस्नेतलाई एन्फा महासचिव इन्द्रमान तुलाधरले नियुक्ति पत्र दिएका हुन्। एफसी÷एन्फा ए लाइसेन्स गरेका बस्नेत यसअघि सहायक प्रशिक्षकको रुपमा कार्यरत थिए।

नेपालले आगामी २०२२ मा खेल्ने एफसी एसियन कप छनोटबाट उनले आफ्नो जिम्मेवारी सम्हाल्नेछन्।