विश्वकप फुटबलको मिति नजिकिँदै जाँदा त्यसमा सहभागी हुने देशले धमाधम टोली घोषणा गरिरहेका छन्। यसै क्रममा स्विट्जरल्यान्डले पनि आफ्नो फुटबल टोली घोषणा गरेको छ।
विश्वकपका लागि उसले आर्सनलमा ग्रानिट साका र सिकागो फायरका जेर्दन सकिरीलाई समेट्दै टिम घोषणा गरेको हो।
लिभरपुलका पूर्वखेलाडी सकिरीले स्विट्जरल्यान्डबाट १०८ इन्टरनेसनल खेल खेलिसकेका छन्। सकिरीले चौथोपटक विश्वकप खेल्दै छन्।
म्यानचेस्टर सिटीका म्यानुअल एन्काजी र न्यु क्यासल युनाइटेडका फ्याबियन स्चार पनि टोलीमा छन्।
स्विट्जरल्यान्डको टोलीमा रहेका ७ खेलाडीले पहिलोपटक विश्वकप खेल्दै छन्।
समूहजीमा रहेको स्विट्जरल्यान्डले २४ नोभेम्बरमा क्यामरुनसँग खेल्दै विश्वकपको सुरुवात गर्नेछ। समूह चरणको अर्को खेलमा पाँच पटकको विश्वविजेता ब्राजिल र अन्तिम खेलमा सर्वियासँग खेल्ने तालिका छ।
स्विट्जरल्यान्डको टोली
गोलकिपरः ग्रेगर कोबेल (बोरुसिया डर्टमुन्ड), फिलिप कोहन (रेड बुल साल्जबर्ग), जोनास ओम्लिन (मोन्टपेलियर), यान सोमर (बोरुसिया मोन्चेनग्लाडबाच)
डिफेन्डरः म्यानुअल अकान्जी (म्यानचेस्टर सिटी), एरे कोमेर्ट (भ्यालेन्सिया), निको एल्वेदी (बोरुसिया मोन्चेन्ग्लाडबाच), रिकार्डो रोड्रिगेज (टोरिनो), फाबियन स्कार (न्यूकासल युनाइटेड), सिल्भान विडमर (मेन्ज ०५)
मिडफिल्डरः मिशेल एबिशर (बोलोग्ना), एडिमिलसन फर्नान्डिस (मेन्ज ०५), फाबियन फ्रेई (बासेल), रेमो फ्रुलर (नोटिङ्घम फरेस्ट), अर्डोन जसारी (लुजर्न), नोआ ओकाफोर (रेड बुल साल्जबर्ग), फाबियन रिडर (युवा केटा), जेरदान शाकिरी (शिकागो फायर), जिब्रिल सो (इनट्राक्ट फ्रान्कफर्ट), रेनाटो स्टेफेन (लुगानो), ग्रानिट झाका (आर्सनल), डेनिस जाकारिया (चेल्सी)
फरवार्डः ब्रील एम्बोलो (मोनाको), क्रिश्चियन फास्नाच (युवा केटा), हरिस सेफेरोभिक (गालाटासारे), रुबेन वर्गास (एफसी अग्सबर्ग)
प्रतिक्रिया