युनिकोड
कतारमा जारी फिफा विश्वकप २०२२ अन्तर्गत अन्तिम १६ को खेलमा जापानले क्रोएसियाको सामना गर्ने भएको छ। जापान समूह ईको विजेता हो भने क्रोएसिया समूह एफ को उपविजेता हो।
जापानले समूह चरणमा दुई पूर्व विश्वविजेता जर्मनी र स्पेनलाई हराएको थियो भने कोस्टारिकासँग पराजित भएको थियो।
यता समूह एफ को उपविजेता क्रोएसिया भने अपराजित टोली हो। क्रोएसियाले समूह चरणको खेलमा क्यानडामाथि जित हात पारेको थियो भने बेल्जियम र मोरक्कोसँग बराबरी खेलेको थियो।
एसियाको पावर हाउस मानिने जापान चौथोपटक विश्वकपका अन्तिम १६ मा पुगेको हो। यो टोली अहिलेसम्म अन्तिम १६ बाट अगाडि बढ्न भने सकेको छैन। यद्यपि यसपटकको प्रदर्शन हेर्ने हो भने जापानले अन्तिम १६ मा क्रोएसियाको चुनौती पन्छाउन सक्छ।
सन् २०१८ को उपविजेता टोली क्रोएसिया २०२२ मा उपाधि जित्ने दाउमा छ।
ज्लात्को डालिकको प्रशिक्षणमा रहेको क्रोएसिया लुका मोड्रिचको नेतृत्वमा मैदान उत्रिनेछ। मोड्रिच सम्भवतः अन्तिम विश्वकप खेल्दै छन्।
मोड्रिच बाहेक क्रोएसियासँग जो इभान पेरिसिक, माटेओ कोभासिक र मोर्सेलो ब्रोजोभिक जस्ता प्रमुख खेलाडीको साथमा खेल्नेछ।
पाँचौ पटक विश्वकप खेल्न लागेको क्रोएसियाको नजर यो पटक उपाधि माथि छ।
जर्मनी र स्पेनजस्ता टोलीलाई पन्छाएको जापानलाई हराउनु भने उसका लागि पक्कै पनि सजिलो हुने छैन।
प्रतिक्रिया