युनिकोड
बझाङको तलकोटबाट चैनपुर आइरहेको से१ज ८६८ नंको जिप तल्कोट गाउँपालिकाको साइलाबगडनजिक दुर्घटना हुँदा एकजनाको मृत्यु भएको छ भने दुईजना घाइते भएका छन्।
बिहीबार साँझ भएको सो दुर्घटनामा तलकोट–१ की सुस्मिता कठायतको मृत्यु भएको हो भने तलकोट–३ का जिप चालक राजेशकुमार कडाल र मष्टा गाउँपालिका–५ का सहचालक कमल कठायत घाइते भएका हुन्।
जिल्ला प्रहरी कार्यालय बझाङका प्रहरी नायब उपरीक्षक भरतबहादुर शाहका अनुसार दुर्घटनापछि सुस्मितालाई उपचारका लागि जिल्ला अस्पतालमा पुर्याउँदा चिकित्सकले मृत घोषणा गरेका हुन्।
घाइते राजेश र कमलको जिल्ला अस्पताल चैनपुरमा उपचार भइरहेको प्रहरीले जनाएको छ।
जिप अनियन्त्रित भएर सडकबाट ७० फिट तल खसेको थियो। रासस
प्रतिक्रिया