सुदूरपश्चिम सरकारलाई दिएको समर्थन फिर्ता लिने एमालेको निर्णय

नेकपा एमालेले सुदूरपश्चिम प्रदेश सरकारलाई दिएको समर्थन फिर्ता लिने निर्णय गरेको छ। बुधबार मुख्यमन्त्री कमलबहादुर शाहले प्रदेश सरकारमा रहेका एमालेका मन्त्रीलाई बर्खास्त गरेका थिए।

त्यसपछि आजै बसेको एमाले संसदीय दलको बैठकले सरकारलाई दिएको समर्थन फिर्ता लिने निर्णय गरेको हो।

संसदीय दलको बैठकपछि एमाले दलका नेता राजेन्द्रसिंह रावलले मुख्यमन्त्री शाहले व्यक्तिको दम्भका आधारमा निर्णय गरेको आरोप लगाए। 
मुख्यमन्त्री शाहले बजेटमा एकलौटी गर्न खोजेको पनि उनले आरोप लगाए। जसमा ५ अर्ब रुपैयाँ आफ्नो क्षेत्रमा खन्याएको उनको दाबी छ।

दुई दलका राजनीतिक नेतृत्वको ‘अन्डरस्ट्यान्डिङ’मा बनेको सरकारको मर्म मुख्यमन्त्री शाहले नबुझेको पनि उनको आरोप छ।