युनिकोड
काठमाडौं महानगरपालिकाले दसैँ बिदाका बेला पनि नागरिकलाई स्वास्थ्य सेवा उपलब्ध गराउने भएको छ।
डेंगुको प्रकोप फैलिएका बेला महानगरपालिकाले ‘दसैँ बिदाका लागि विशेष व्यवस्था’ गरी ५५८ जना स्वयंसेवकमार्फत सिटामोल र जीवनजल वितरण गर्ने व्यवस्था मिलाएको हो।
नजिकको स्वास्थ्य स्वयंसेवकमार्फत स्थानीयले सिटामोल र जीवनजल प्राप्त गर्न सक्ने मेयर बालेन्द्र शाहले बताएका छन्।
यस्तै २४ घण्टे हटलाइन सेवा व्यवस्था गरिएकाले ११८० नम्बरमा फोन गरेर महानगरवासीले डेंगुबारे जानकारी लिन सक्ने उनले जानकारी दिएका छन्।
यस्तै दसैँ बिदाको अवधिमा निःशुल्क एम्बुलेन्स सेवाको पनि व्यवस्था गरिएकाले १०२ मा फोन गरेर यो सेवा लिन सकिने महानगरपालिकाले जनाएको छ।
प्रतिक्रिया