चितवनमा जिप दुर्घटना हुँदा वृद्धको मृत्यु

चितवनको इच्छाकामना गाउँपालिका-२ हपनीमा गएराति जिप दुर्घटना हुँदा एक जनाको मृत्यु भएको छ भने दुई जना घाइते भएका छन्।

जिल्ला प्रहरी कार्यालय, चितवनका प्रवक्ता रवीन्द्र खनालका अनुसार  फिस्लिङबाट हपनीतर्फ गइरहेको जिप दुर्घटना हुँदा हपनीका ८० वर्षीय वीरबहादुर प्रजाको मृत्यु भएको हो।

दुर्घटनामा हपनीकै कर्णबहादुर प्रजा  र विष्णु प्रजा घाइते भएका छन्। घाइते दुवै जनालाई उपचारका लागि भरतपुर लगिएको छ। 

जिपमा चालकसहित चार जना सवार थिए। जिप चालक विकास प्रजालाई प्रहरीले नियन्त्रणमा लिएको छ।