युनिकोड
काठमाडौँको टोखा नगरपालिका-५, वसुन्धरास्थित सिद्ध बाबा इन्टरप्राइजेज (कपडा गार्मेन्ट) मा मंगलबार बिहान आगलागी भएको छ।
आगलागी नेपाली सेनाको नेतृत्वमा नियन्त्रणमा लिइएको प्रहरीले जनाएको छ।
नेपाली सेना, नं. १ विपद् व्यवस्थापन गण तथा नरसिंहदल गणबाट २ वटा दमकलसहित खटिएको टोलीले अन्य सुरक्षा निकाय, स्थानीय तथा काठमाडौँ महानगरपालािका, ललितपुर महानगरपालिका, बुढानीलकण्ठ नगरपालिका, भक्तपुर नगरपालिका, सूर्यविनायक नगरपालिका, कागेश्वरी मनहरा नगरपालिका, चन्द्रागिरि नगरपालिका, जुद्ध वारुण यन्त्र, वसन्तपुर र सशस्त्र प्रहरी बलको दमकलको सहयोगमा आगलागी नियन्त्रणमा लिइएको हो।
आगलागीमा मानवीय क्षति नभएको र सिद्ध बाबा इन्टरप्राइजेज (कपडा गार्मेन्ट) का साथै सोही इन्टरप्राइजेजसँग जोडिएका किराना पसल र टीभी पसलमा समेत क्षति भएको प्रहरीले नेपालखबरलाई तस्बिरसहित जानकारी दिएको छ।
क्षतिको मूल्यांकन भइरहेको छ।
प्रतिक्रिया