अपराध


एक हप्ताअघि अमेरिकाबाट फर्केकी श्रीमतीको हत्या गरेर आफ्नो पेटमा रोपे खुकुरी

एक हप्ताअघि अमेरिकाबाट फर्केकी श्रीमतीको हत्या गरेर आफ्नो पेटमा रोपे खुकुरी

सांकेतिक तस्बिर


वाशुदेव मिश्र
भदौ १७ , पाेखरा

पोखराका एक व्यक्तिले श्रीमतीको निर्ममतापूर्वक हत्या गरेका छन्।

पोखरा १४ राधाकृष्ण मार्ग बस्ने ४६ वर्षीय लोकबहादुर गुरुङले शुक्रबार बिहान आफ्नी ४४ वर्षीया श्रीमती बिमला गुरुङको हत्या गरेका हुन्।

बिमला यही भदौ ९ गते अमेरिकाबाट नेपाल आएकी थिइन्।

लोकबहादुरले बिहान सवा ८ बजेतिर श्रीमतीको टाउकोमा खुकुरी प्रहार गरेका थिए। सासुमाथि खुकुरी प्रहार  भएपछि उनकी बुहारीले चिच्याउँदै हारगुहार गरेकी थिइन्।

एक स्थानीयले भने, ‘के भयो भनेर सोध्दा ‘मामाले माइजुलाई खुकुरीले हान्यो’ भनेपछि हामी गयौँ, भित्रबाट चुकुल लगाएको अवस्थामा दुवै जना भुइँमा लडेको भेटियो।’ 

स्थानीयले घाइतेलाई तत्काल पश्चिमाञ्चल स्वास्थ्य विज्ञान प्रतिष्ठान लगेको र सवा ११ बजेतिर अस्पतालले मृत घोषणा गरेको उनले बताए। 
श्रीमतीमाथि अन्धाधुन्ध खुकुरी प्रहार गरेका लोकबहादुर मादक पदार्थको कुलतमा फसेको प्रारम्भिक अनुसन्धानबाट खुलेको छ। उनले श्रीमतीमाथि खुकुरी प्रहार गरेपछि आफ्नो पेटमा पनि खुकुरी रोपेका थिए।

पोखरा १४ का वडाध्यक्ष बोधराज कार्कीका अनुसार घटना विभत्स थियो। आफू घटनास्थलमा पुग्दा कोठामा रगतको आहाल भएको र श्रीमान–श्रीमती दुवै त्यही रगतको आहालमा भेटिएको उनको भनाइ छ। 

‘श्रीमतीलाई पुरै मरणासन्न हुनेगरी जताततै खुकुरी हानेका रहेछन्। त्यसपछि आफूलाई पनि त्यही खुकुरीले हानेका रहेछन्’ उनले भने,‘परिवारसँग कुराकानी गर्दा उनीहरुबीचमा त्यस्तो केही नभएको भन्ने जानकारी पायौँ, अहिले बिमलाको शव घर ल्याइएको छ, लोकबहादुरको अवस्था पनि गम्भीर छ।’ 

जिल्ला प्रहरी कार्यालय कास्कीका प्रवक्ता प्रहरी निरीक्षक ज्ञानबहादुर खड्काले घटनाको पुष्टि गरेका छन्।

प्रहरीले घटनाको अनुसन्धान गरिरहेको उनको भनाइ छ। प्रहरीको प्रारम्भिक अनुसन्धानले लोकबहादुरले श्रीमतीको टाउकोमा खुकुरी प्रहार गरेपछि आफैँलाई समेत सेरेका थिए। उनले आफ्नो पेटमा खुकुरी रोपेका थिए।

‘घटना के कारण घट्यो भन्ने विषयमा अनुसन्धान भइरहेको छ। श्रीमान पनि घाइते भएकाले कारण खुल्न सकेको छैन’, उनले भने, ‘प्रारम्भिक अनुसन्धानले श्रीमती अमेरिकाबाट भदौ ९ गते नेपाल आएको देखिन्छ।’

उनीहरुका ३ छोरामध्ये कान्छा दुबइमा र बाँकी २ जना नेपालकै रहेका छन्। 

भदौ १७, २०७९, शुक्रबार

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 4240505 / 4241389
Admin:[email protected]
News:[email protected]

विज्ञापनका लागि सम्पर्क

+977 9851081116
[email protected]

जीवन बस्नेत
कार्यकारी निर्देशक
पिनाकी राय
बिजनेश एड्भाइजर
सविन पोखरेल
लेखा तथा प्रशासन प्रमुख
सुरेन्द्र रिजाल
निर्देशक, अटो संस्करण
ललिता तामाङ
कार्यालय सहयोगी

नेपालखबर टीम


विशेष संवाददाता
सागर न्यौपाने

उप–सम्पादक
खगेन्द्र गिरी
नवराज रेग्मी
रूपबहादुर विश्वकर्मा
विद्यानाथ अधिकारी
चिरञ्जीवी आचार्य

ग्लोबल अफेयर्स संयोजक
सन्तोष घिमिरे

समाचार संयोजक
ज्ञानेन्द्र खड्का

निर्वाचन सम्पादक
जेवी पुन मगर

म्यागेजिन सम्पादक
सीताराम बराल

प्रधान सम्पादक
पूर्ण बस्नेत
Copyright © 2021 Nepalkhabar. All Rights Reserved. Designed byCurves n' Colors. Powered by.
ad ad