भारतीय कम्पनी एनएचपीसी लिमिटेडले पश्चिम सेती जलविद्युत् परियोजनाको सर्वे लाइसेन्सका लागि लगानी बोर्डमा निवेदन बुझाएको छ।
गत भदौ २ गते लगानी बोर्ड र एनएचपीसीबीच ७५० मेगावाट क्षमताको पश्चिम सेती र ४५० मेगाट क्षमताको सेती नदी ६ परियोजना अघि बढाउने सम्झौता भएको थियो।
ती दुवै आयोजना वर्षौँदेखि अलपत्र रहँदै आएका छन्। बोर्डका प्रमुख कार्यकारी अधिकृत सुशील भट्ट र एनएचपीसीका अध्यक्ष एके सिंहले सम्झौतापत्रमा हस्ताक्षर गरेका थिए।
सोसँगै कम्पनीले सर्वे लाइसेन्सका लागि आवेदन हालेको हो।
प्रस्तावित ७५० मेवा जडित क्षमताको जलाशययुक्त पश्चिम सेतीको लागत १ अर्ब ३२ करोड अमेरिकी डलर अनुमान गरिएको छ। त्यस्तै ४५० मेवा क्षमताको सेती नदी ६ को अनुमानित लागत ८० करोड डलर छ।
यो आयोजना डोटी, डडेल्धुरा, बैतडी र बझाङ हुँदै बग्ने पश्चिम सेती नदीमा निर्माण हुने भनिएको छ।
Shares
प्रतिक्रिया