सुनको भाउ ३ दिनदेखि लगातार घट्दो, आज प्रतितोला कतिमा झर्‍यो?

सुनको भाउ तीन दिनयता लगातार घटेको छ। 

नेपाल सुनचाँदी व्यवसायी महासंघका अनुसार तेस्रो दिन आज (मंगलबार) सुन प्रतितोला २ हजार ९ सय रुपैयाँ घटेको हो।

योसँगै आज सुनको भाउ तोलाको २ लाख ३७ हजार रुपैयाँमा झरेको छ।

तिहारपछि आइतबार एकैचोटि ११ हजार ६ सय घटेको सुनको भाउ सोमबार थप २ हजार कम भएको थियो।

आज चाँदी पनि प्रतितोला थप ६० रुपैयाँ घटेको छ। 

आज चाँदी तोलाको २ हजार ९२० मा किनबेच भइरहेको सुनचाँदी व्यवसायी महासंघले जनाएको छ। 

अन्तर्राष्ट्रिय बजारमा भने आज सुन प्रतिऔँस ३ हजार ९७५ अमेरिकी डलर हाराहारीमा कारोबार भइरहेको छ।