कोरोनाको असरबीच नेपालीको वार्षिक आम्दानी ४६ डलरले बढ्ने

चालू आर्थिक वर्षमा कोरोनाको कहरबीच पनि नेपालीको वार्षिक आम्दानी ४६ डलरले बढ्ने भएको छ।

तथ्यांक विभागले बुधबार सार्वजनिक गरेको तथ्याङंक अनुसार नेपालीको वार्षिक आम्दानी १ हजार ८५ डलर अथवा १ लाख २६ हजार १ रुपैयाँ हुनेछ। गत वर्ष नेपालीको वार्षिक आम्दानी १ हजार ३९ डलर रहेको थियो।

आर्थिक वर्षको ८ महिना पुरा हुँदै गर्दा नेपालमा कोरोनाको असर देखिन थालेकाे थियाे। जसको कारण नेपालको अर्थतन्त्र निकै कमजोर बनेको अर्थविदहरु बताउँछन्।

आर्थिक वृद्धिदरको लक्ष्य ८ दशमलव ५ प्रतिशत रहे पनि २ दशमलव २७ प्रतिशत मात्रै कामय रहने भएको छ। तर नेपालीको आम्दानीमा भने गिरावट नआउने विभागको प्रक्षेपण छ।