मुख्य कार्यालयबाहेक सबै शाखा बन्द गर्ने बैंकहरुको निर्णय

बैंकहरुले आफ्नो हेड अफिस (मुख्य कार्यालय) बाहेक सबै शाखा बन्द गर्ने निर्णय गरेका छन्।

बैंकरहरुको संगठन नेपाल बैंकर्स संघले कर्मचारीलाई अफिस आउन अवरोध भएपछि सबै बैंक शाखा बन्द गर्ने निर्णय गरेको हो।

काठमाडौं उपत्यकामा निषेधाज्ञामा भएपछि हरेक वाणिज्य बैंकको काठमाडौंमा पाँचवटा, भक्तपुरमा १ वटा र ललितपुरमा २ वटा गरी आठ शाखा सञ्चालन गर्ने निर्णय भएको थियो। त्यसको लागि बैंकहरुले प्रहरी प्रशासन र राष्ट्र बैंकसँग समेत समन्वय गरेका थिए।

तर आज बिहानदेखि बैंकका कर्मचारीलाई प्रहरीले रोकेपछि नेपाल बैंकर्स संघले आज बैंकका शाखा बन्द गर्ने निर्णय गरेको बैंकर्स संघले जानकारी गराएको छ।