मौसम खुला भएसँगै सगरमाथामा सुरु भयो आरोहीको ताँती

मौसम खुल्ला भएसंगै सगरमाथा आरोहीहरु पुनः आरोहण सुरु गरेका छन्।

पर्यटन विभागले करिब ६० जना विदेशी आरोहणको क्रममा रहेको जनाएको छ।

४ सय ८ जनाले विभागबाट अनुमति लिएकामध्ये धेरैले आरोहण गरिसकेको विभागकी निर्देशक मिरा आचार्यले बताएकी छन्।

‘मौसम सफा भएपछि आरोहण फेरी सुरु भएको छ,’ आचार्यले भनिन् ‘अबको दुई-तिन दिनभित्र आरोहण गरिसक्छन्।’

केहि दिनपहिले मौसममा आकस्मिक परिवर्तन आएपछि पर्यटन विभागले ओरोही तथा पर्वतीय पथप्रदर्शकहरुलाई सुरक्षित रहन आग्रह गरेको थियो।

मौसम खराब भएपछि ८ हजार मिटर उचाईमा पुगेका आरोही केहि तल सुरक्षित स्थानमा झरेका थिए।

पर्यटन विभागले मौसमका कारण कुनै पनि अरोहीहरु, पर्वतीय पथप्रदर्शकहरु र सहयोगीलाई अप्ठ्यारो तथा क्षति नपुगेको जानकारी दिएको छ।

थप तस्बिरहरु:

तस्बिर स्रोतः मिङमा दोर्ची शेर्पा