दरबारमार्गमा हुने ‘होली पुन्ही’को प्रायोजन ईभी ब्रान्ड अमोडाले गर्ने

विद्युतीय सवारी साधन ब्रान्ड ‘अमोडा’ले काठमाडौँको दरबारमार्गमा हुने ‘होली पुन्ही २०२४’ कार्यक्रममा ‘ड्राइभ इ फ्युचर’ प्रायोजकको रूपमा सहकार्य गरेको छ। 

विगत ५ वर्षदेखि होलीको उत्सवहरू आयोजना गर्दै आएको ‘अर्बिटरि इभेन्ट्स’ले यो वर्ष पनि ‘होली पुन्ही २०२४’ आयोजना गर्न लागेको हो।

कार्यक्रमको प्रायोजकको रूपमा धेरै सहभागीहरूलाई आधुनिक, रमाइलो र ‘फ्युचरिस्टिक’ प्रविधिसँग जोड्दै र अविस्मरणीय अनुभवहरू गर्न सहज बनाउने लक्ष्य अमोडाले राखेको छ। होलीको अविस्मरणीय अनुभवका लागि, अमोडाले रोचक खेललगातय विभिन्न गतिविधिहरूसहितको स्टल राख्ने कम्पनीले जनाएको छ। 

सहभागीहरूले रङ्ग र सङ्गीतमा उत्साहजनक मनोरञ्जन लिनुका साथै, अमोडाको आधुनिक कनेक्टिभिटि र शून्य उत्सर्जनको विषयमा समेत जानकारी प्राप्त गर्न सक्नेछन्। अमोडा स्टलमा ‘कलर’ पेन्टिङ, ‘मेसेज’ बोर्ड सहित विभिन्न गतिविधिहरू गर्दा मर्चेन्डाइजहरू प्राप्त गर्न सकिने जस्ता व्यवस्था रहनेछन् ।

साथै, सामाजिक सञ्जालमा #अमोडाकलर्स ह्यासट्याग राखी कार्यक्रमका तस्बिरहरू पोस्ट गर्ने दर्शकहरूले अन-द-स्पट ‘गिफ्ट ह्याम्पर’हरू जित्ने मौका पाउनेछन्।

होली पुन्ही २०२४ कार्यक्रममा भेक, यावेश थापा, आविष्कार के.सि., डि.जे. बीपीएम, डीजे डान, लगायत छ जना चर्चित डीजेहरूको साथमा साङ्गीतिक माहौल निरन्तर कायम रहनेछ।