युनिकोड
हिमालयन बैंक लिमिटेडले पैसा जम्मा गर्न मिल्ने क्यास डिपोजिट मेसिन (सीडीएम) सञ्चालन ल्याएको छ।
बैंकले गत भदौ २७ देखि न्यूरोड शाखामा सीडीएम सञ्चालनमा ल्याइएको हो। सीडीएमबाट सेवाग्राहीले कुनै पनि समयमा कुनै झंझट बिना नै खातामा रकम जम्मा तथा झिक्न सक्नेछन्।
सो मेसिनबाट रकम जम्मा गर्दा विना एटीएम कार्ड नै सिधा खाता नम्बर प्रविष्ट गरी जम्मा गर्न सकिन्छ। मेसिनबाट जम्मा गरिएको सो रकम तत्कालै खातामा जम्मा हुनेछ जसले गर्दा खातावालाले तुरुन्तै कारोबार गर्न सक्नेछन्।
हिमालयन बैंकको यस सुबिधाले बैंकका ग्राहकहरुलाई बंैकिङ्ग कारोबारको समय अघि–पछि पनि थप सुबिधा मिल्ने बंैकको विश्वास छ ।
हाल बैंकले नेपाल भरि फैलिएको कूल ७४ शाखा, ५ विस्तारित काउन्टर, १५४ एटीएम र ६,००० भन्दा बढी पस टर्मिनल्सबाट सेवा प्रदान गर्दै आएको छ ।
प्रतिक्रिया