आसिफ शेख बने आईएमई पेको ब्रान्ड एम्बेसडर

डिजिटल वालेट आईएमई पेले नेपाली क्रिकेटर आसिफ शेखलाई ब्रान्ड एम्बेसडर बनाएको छ। 

नेपालको राष्ट्रिय क्रिकेट टिममा दायाँ हाते विकेटकिपर/ब्याट्सम्यानको रुपमा खेल्दै आएका शेखले विभिन्न राष्ट्रिय र अन्तरराष्ट्रिय क्रिकेट खेलहरुमा कम उमेरमै कैयौँ कीर्तिमान प्राप्त गरिसकेका छन्। 

नेपाली क्रिकेटको लागि समर्थन जारी राख्दै यो साझेदारी गरेको कम्पनीले जनाएको छ। 

खेलकुद र डिजिटल भुक्तानीलाई जोड्ने एक उत्कृष्ट कदम हुने र यो साझेदारीले डिजिटल फाइनान्सको सम्भाव्यतालाई नेपाली क्रिकेटको जोससँग जोड्न महत्त्वपूर्ण कदम चालेको आईएमई पेका प्रमुख कार्यकारी अधिकृत प्रवीण रेग्मीले बताए।