युनिकोड
सामसङ नेपालले “रेमिटमा बेनिफिट” नामक विशेष उपभोक्ता अभियान औपचारिक रूपमा सुरु गरेको छ।
यो पहल वैदेशिक रोजगारीमा रहेका नेपाली कामदारहरू र उनीहरूका परिवारलाई सम्मान गर्दै उनीहरूको रेमिट्यान्सलाई जीवनस्तर सुधार गर्ने अर्थपूर्ण अवसरमा रूपान्तरण गर्ने उद्देश्यले ल्याइएको हो।
रेमिट्यान्स केवल आर्थिक मूल्य मात्र नभई त्याग, आकांक्षा र जिम्मेवारीको प्रतीक हो भन्ने बुझाइमा आधारित भएर सामसङले यो अभियानमार्फत आकांक्षा र पहुँचबीचको दूरी कम गर्ने लक्ष्य राखेको छ। यस अभियानअन्तर्गत नेपालभरि रहेका रेमिट्यान्स -आधारित परिवारहरूलाई प्रिमियम प्रविधि अझ सहज रूपमा उपलब्ध गराउने विशेष अफरहरू प्रस्तुत गरिएको छ।
यस अभियान अन्तर्गत ग्राहकहरूले सामसङका विभिन्न उत्पादनहरूमा आकर्षक सुविधाहरू प्राप्त गर्न सक्नेछन्।
जसअनुसार स्मार्टफोन, सामसङ टिभी, रेफ्रिजेरेटर र वासिङ मेसिनमा अधिकतम ६ प्रतिशतसम्म क्यासब्याक, एनसेल रिचार्जमा अधिकतम १८० जीबी बोनस डेटा र २४ महिनासम्मको ईएमआई सुविधा रहेका छन्।
यी सुविधाहरूले परिवारहरूको मासिक किस्ता भारलाई उल्लेखनीय रूपमा घटाउँदै सामसङका प्रिमियम तथा गुणस्तरीय उत्पादनहरूमा पहुँच सुनिश्चित गर्ने लक्ष्य राखेको छ।
यो अभियानलाई आईएमई रेमिट, खल्ती, एनसेल, एचएफएल, हिम इलेक्ट्रोनिक्स र त्रिवेणी व्यापार लिमिटेड जस्ता प्रमुख साझेदारहरूसँगको रणनीतिक सहकार्यले थप मजबुत बनाइएको छ। यसले देशभरिका ग्राहकहरूका लागि पहुँच, किफायतीपन र कनेक्टिभिटीलाई अझ प्रभावकारी बनाउने एकीकृत प्रणाली निर्माण गरेको छ।
यो अफर उपयोग गर्न आईएमई रेमिटमार्फत रेमिट्यान्स प्राप्त गर्नुपर्नेछ भने आईएमई कन्ट्रोल नम्बरसहित स्टोरमा जानुपर्नेछ। त्यसपछि इच्छित डिभाइस छनोट गरी एचएफएलमार्फत ऋण आवेदन गर्नुपर्नेछ। यसपछि सामसङ स्मार्टफोन खरिद गर्दा एनसेल प्याक लिएर बोनस प्राप्त गर्नुपर्नेछ। खल्तीमार्फत योग्य क्यासब्याक प्राप्त गर्नुपर्नेछ।
लन्चको अवसरमा स्यामसुङ नेपालका एमएक्स बिजनेसका सिनियर डिरेक्टर प्रणय रत्न स्थापितले रेमिट्यान्स केवल आर्थिक सहयोग मात्र नभई विदेशमा काम गर्ने लाखौं नेपालीहरूको आशा र आकांक्षाको प्रतिविम्ब भएको बताए।
प्रतिक्रिया