३३ अंकले घटेर बन्द भयो सेयरबजार, डेढ अर्बको किनबेच

सेयरबजार आज पहिलो कारोबार दिन नै ओरालो लागेको छ। 

नेपाल स्टक एक्सचेन्जका अनुसार नेप्से ३३.९७ र सेन्सिटिभ ६.०४ अंकले घटेको हो। 

बजारमा आज २२९ कम्पनीको ६२ लाख कित्ता सेयर खरिदबिक्री भएका छन्। २७ हजार पटकको उक्त खरिदबिक्रीमा १ अर्ब ६० करोड १८ लाख २२ हजारको कारोबार भएको छ। 

बजार खुलेयता निरन्तर ओरालो लागेको थियो। फलतः सबै उपसूचकहरु राताम्य हुनपुगेका छन्। यसअनुसार १८० कम्पनीको सेयर घटेको र ८ वटाको मात्र बढेको नेप्सेले जनाएको छ। 

आइतबार लगानीकर्ताले ५.३५ प्रतिशतसम्म कमाउँदा ७.८५ प्रतिशतसम्म गुमाउनुपरेको छ। आज लक्ष्मी बैंकको २१ करोडको कारोबार भएको छ। यो नै आजको सर्वाधिक कारोबार हो।