अन्तरविद्यालय नृत्य प्रतियोगितामा आकाशदीप प्रथम, फेरिल्याण्ड दोस्रो

काठमाडौं उपत्यकास्तरीय अन्तरविद्यालय नृत्य प्रतियोगितामा जोरपाटीस्थित दक्षिण ढोकामा रहेको आकाशदीप स्कुल प्रथम भएको छ।

प्रतियोगितामा बूढानीलकण्ठ नगरपालिका–१० कपन बालुवाखानीमा अवस्थित फेरिल्याण्ड इन्टरनेशनल स्कुल दोस्रो भएको छ। यस्तै, कपनकै जोसेफ हाइस्कुलले तेस्रो स्थान हात पार्न सफल भएको छ।

नृत्य निर्देशक संघ नेपालको स्थापना दिवसको अवसरमा भएको सो प्रतियोगितामा प्रथम चरणमा करिब २०० विद्यालयहरुको सहभागिता रहेको थियो भने ३९ विद्यालय अन्तिम चरणमा पुग्न सफल भएका थिए।