युनिकोड
फिल्म ‘हात्तीछाप’ को ‘मायालु’ बोलको गीत सार्वजनिक भएको छ।
सार्वजनिक गीतको भिडियोमा फिल्मका मुख्य कलाकार दयाहाङ राई र उपासना सिंह ठकुरी फिचर्ड छन्।
हर्क साउँदको शब्द रहेको गीतमा प्रताप दास र ममता गुरुङको स्वर सुन्न सकिन्छ। उज्वल सागरको संगीत रहेको गीतमा विश्व अधिकारीले म्युजिक एरेन्ज गरेका छन्।
मायाप्रेमको भाव भन्ने गीतमा दयाहाङ र उपासना रोमान्टिक देखिएका छन्। दुबैबीचको प्रेमसन्बन्धलाई भिडिओमा देखाइएको छ।
सिमोस सुनुवार निर्देशित यस फिल्ममा दयाहाङ र उपासनासहित सौगात मल्ल, बेनिशा हमाल, बिजय बराल, बुद्धि तामाङ, कमलमणि नेपाल, सुष्मा निरौला, विल्सन विक्रम राईलगायतको अभिनय छ।
किरण नेपालीको प्रस्तुति रहेको फिल्ममा प्रदीप भारद्वाजको लेखन रहेको छ। यो फिल्म आगामी माघ २६ गतेबाट प्रदर्शन हुनेछ।
यसअघि ‘कबड्डी ३’ र ‘दुई नम्बरी’ जस्ता फिल्ममा दयाहाङ र उपासनाले स्क्रिन सेयर गरिसकेका छन्। दुबैको जोडीलाई दर्शकले निकै रुचाएका थिए।
प्रतिक्रिया