पोस्टरमा ‘महाजात्रा’का दुई जोडी

प्रदीप भट्टराई निर्देशित फिल्म ‘महाजात्रा’ को पोस्टर सार्वजनिक भएको छ। भ्लालेन्टाइन सप्ताहको अवसरमा निर्माण टिमले फिल्मबाट दुई पोस्टर सार्वजनिक गरेको छ।

एउटा पोस्टरमा विपिन कार्की र वर्षा राउतको जोडीलाई देख्न सकिन्छ। अर्को पोस्टरमा दिव्य देव र गौमाया गुरुङ फिचर्ड छन्। 

यस फिल्ममा विपिन,वर्षा, दिव्य र गौमायासहित हरिवंश आचार्य, रविन्द्र सिंह बाँनिया, प्रकाश घिमिरे, रविन्द्र झा लगायतको अभिनय छ।  

प्रदीपकै लेखन रहेको यस फिल्ममा म्याक्स दिपेश खत्री र यज्ञश्वर पौडेलको निर्माताका रुपमा रहेका छन्। षट्कोण आटर्सको ब्यानरमा बनेको फिल्मको कार्यकारी निर्माता रबिन्द्र सिंह बानियाँ हुन्। 

पुरुषोत्तम प्रधानको छायाङ्कन रहेको फिल्म आगामी चैत ९ गतेबाट रिलिज हुनेछ। 

‘महाजात्रा’ हिट शृंखला ‘जात्रा’ र ‘जात्रै जात्रा’ पछिको तेस्रो फिल्म हो।