युनिकोड
गत वर्ष जुन १६ मा रिलिज भएको फिल्म ‘आदिपुरुष’ बक्स अफिसमा फ्लप भयो। ६ सय करोडको बजेटमा बनेको यस फिल्ममा प्रभाससहित कृति सेनन र सैफ अली खान मुख्य भूमिकामा थिए।
हालैको एक अन्तर्वार्ताका क्रममा सैफले आदिपुरुषको असफलताको बारेमा बताएका छन्। हरेक फिल्म सफल हुनलाई आफू ठूलो स्टार नभएको उनको भनाइ छ।
‘मैले आफूलाई कहिल्यै स्टार ठानेको छैन। इमानदारीपूर्वक भन्नुपर्दा, म त्यस्तो सोच्न पनि चाहन्न। मलाई स्टार बन्न मन छ, तर म बहकिन चाहन्न। मेरा आमाबाबु ठूला स्टार हुनुहुन्थ्यो। तर दुवै सधैं धेरै रियालिस्टिक र नर्मल देखिन्छन्। मेरो ध्यान जीवनका अन्य पक्षहरूमा छ,’ उनले भने।
सैफ असफलतासँग डराउँदैनन्, तर असफलतालाई यात्राको एक हिस्सा मानेर अगाडि बढ्नमा विश्वास राख्छन्।
भन्छन्, 'असफलतासंग डराउनु हुँदैन। अक्सर मानिसहरूले ती छनोटहरूको प्रशंसा गर्छन् जुन अलि फरक र फरक छन्, जस्तै आदिपुरुष। यस्ता प्रोजेक्टमा जोखिमको पनि चर्चा हुन्छ। तर, यदि प्रोजेक्ट सफल भएन भने तपाईं आफैलाई असफल भन्न सक्नुहुन्न। किनकी असफलताले हामीलाई धेरै कुरा सिकाउँछ। हामीले यसलाई स्वीकार गर्नुपर्छ र त्यसपछि दृढ संकल्पका साथ अगाडि बढ्नुपर्छ।'
सैफ जीवनमा व्यवहारिक हुन जरुरी रहेको बताउँछन्। ‘आदिपुरुष’को बारेमा मानिसहरुको सधैं एउटै धारणा रहेको छ कि यो मेरो साहसिक छनोट हो। दुर्भाग्यवश त्यो फिल्म सफल साबित हुन सकेन। तर, कुनै समस्या छैन। त्यसलाई आत्मसात गर्दैँ अगाडी बढ्नुपर्छ।'
सैफ चाँडै जुनियर एनटीआरको मुख्य भूमिका रहेको तेलुगु ड्रामा फिल्म ‘देवरा’ मा देखिँदैछन्। कोरतला सिवाद्वारा निर्देशित यस फिल्मबाट जान्हवी कपूर साउथमा डेब्यु गर्दैछिन्। तीन सय करोडको बजेटमा बनेको यो फिल्म ५ अप्रिलबाट रिलिज हुँदैछ।
प्रतिक्रिया